Thursday, September 6, 2012

കോലം കെട്ടല്‍

കുങ്കുമ വര്‍ണം വിതറിയ മാനം
നിന്‍  മൃദു   മധുര മനോഹര ഹാസം
എന്തിനു വെറുതെ മാച്ചുകളഞ്ഞീ-
-ചുണ്ടില്‍ നിറയെ ചായം പൂശി
ചെമ്പക മൊട്ടിന്‍ ഗന്ധമൊടഴകായി-
-തുളസി കതിരിന്‍ വ്രതശുദ്ധിയുമായ്
എള്ളിന്‍ കരിനിറമൊത്തൊരു കേശം
വാടി വരണ്ടൊരു വൈക്കോലായി
പൊന്നിന്‍ പാദസരലയ മേളം
തരിവളയിളകും കള കള ശബ്ദം
നിന്‍ കളമൊഴിതന്‍ മധുരിത നാദം
എല്ലാം എന്തെ പോയി മറഞ്ഞു
പൊന്‍കതിരണിയും നെല്‍ച്ചെടി പോലെ
സുന്ദര കോമള കാന്തിത ദേഹം
മഞ്ഞ കരതന്‍ ചേലയണിഞ്ഞൊരു
മഞ്ഞ കുറിതന്‍ ശോഭയുമായി
ചന്തം നിറനിറയൊഴുകും രൂപം
കണ്ണില്‍ വന്നു പതിഞ്ഞൊരു നേരം
വൃന്ദാവനമായി തീരും ഹൃദയം
കൈകള്‍ വിറക്കും നെഞ്ചു പിടക്കും
ഒരു  മൃദു വാക്ക്  മൊഴിഞ്ഞീടാനായ്
തൊണ്ടവരണ്ടീ മനസ് പിടക്കും
കാമം തെല്ലിട തീണ്ടാതുള്ളോരു
സ്നേഹം നിറയും  പ്രേമമതൊഴുകും
കാലം മാറി കോലം മാറി
ഇറുകിയ വസ്ത്ര മണിഞ്ഞൊരു ദേഹ-
-ത്തടിവടിവൊക്കെ നിറഞ്ഞു കിടപ്പൂ
കാണാനെന്തൊരു ലജ്ജയിതളവില്‍
കാണിച്ചിടുവാന്‍ നാണമതില്ലേ
ദേവതയായി വിളങ്ങിയ നിന്‍ തിരു
രൂപമിതെന്തേ കോലം കെട്ടു
 പുലികള്‍ ഇറങ്ങി നടപ്പു ചുറ്റും
കഴുകന്‍ കൊക്കുകള്‍ ഉന്നമളപ്പൂ
കൊത്തി വലിക്കും പിച്ചി ചീന്തും
രക്ഷിച്ചിടണേ ശിവ ശിവ ശംഭോ.
              *********


















28 comments:

  1. ഗിരീഷേ കാര്യഗൗരവം ചോരാതെ കവിത രസമായി അവതരിപ്പിച്ചു.
    ആശംസകൾ

    ReplyDelete
    Replies
    1. നന്ദി കലാവല്ലഭാ, ഇനിയും വരണം

      Delete
  2. അന്ന് ഞാനും നീയും...
    ഇന്ന് ഞാന്‍ മാത്രം...
    നീയെവിടെയോ...
    രൂപം മാറി ഭാവം മാറി....
    കാണാറില്ല നിന്നെ...
    കാണാന്‍ കഴിയാറില്ല..
    ഒരു കഴുകന്‍ കണ്ണ്‍ കിട്ടിയെങ്കില്‍...
    കാണാമായിരുന്നു ഇന്നുമെനിക്ക് നിന്നെ...

    ഗിരീഷെ നന്നായിരിക്കുന്നു കവിത...
    അക്ഷരത്തെറ്റുകള്‍ തിരുത്തുമല്ലോ..

    ReplyDelete
  3. പ്രിയപ്പെട്ട ഗിരീഷ്‌,

    നര്‍മം നിറഞ്ഞ കവിത രസകരമായി.

    പക്ഷെ, അക്ഷരതെറ്റുകള്‍ ശ്രദ്ധിക്കണം.

    അല്ല, ഈ കവിതയ്ക്ക് ആരാ,പ്രചോദനം? :)

    സസ്നേഹം,

    അനു

    ReplyDelete
    Replies
    1. പ്രിയപ്പെട്ട അനു,

      ഇതിനു അത്രയ്ക്ക് രസം ഉണ്ടോ? എനിക്ക് അത്രയ്ക്ക് ആത്മവിശ്വാസം ഉണ്ടായിരുന്നില്ല. അതുകൊണ്ടാണ് പൊട്ട കവിത എന്ന് ലേബല്‍ കൊടുത്തത് . വളരെ നന്ദി. ഇനിയും വരണേ.

      സ്നേഹത്തോടെ,

      ഗിരീഷ്‌

      Delete
  4. ലളിതപദാനുപദം ചില താള-
    ക്രമമൊടു ഗുരുലഘുവൊത്തൊരുമിച്ചാല്‍
    പദ പതനം ബഹു സുഖദം ഇതുപോല്‍!

    ReplyDelete
    Replies
    1. പ്രിയപ്പെട്ട ഷാജി ചേട്ടാ,

      താങ്കളുടെ വാക്കുകള്‍ എന്നില്‍ ആത്മവിശ്വാസം ഉണര്‍ത്തുന്നു. വളരെ നന്ദി. ഇനിയും വരും എന്ന് പ്രതീക്ഷിക്കുന്നു.

      സ്നേഹത്തോടെ,

      ഗിരീഷ്‌

      Delete
  5. കവിത കൊള്ളാം....അക്ഷരപ്പിശകുകള്‍ വായനയുടെ സന്തോഷം കളയും. അതു തിരുത്തുക.എല്ലാ ആശംസകളും......

    ReplyDelete
    Replies
    1. പ്രിയപ്പെട്ട എച്ചമ്മു ചേച്ചി,

      കവിത ഇഷ്ടമായതില്‍ വളരെ സന്തോഷം. അക്ഷരതെറ്റ് വരുന്നതില്‍ ക്ഷമിക്കണം.മേലില്‍ സൂക്ഷിക്കാം. ഇനിയും വരും വരണേ.

      സ്നേഹത്തോടെ,

      ഗിരീഷ്‌

      Delete
  6. അത്ര പൊട്ടയോന്നുമാല്ലട്ടോ.

    ReplyDelete
    Replies
    1. പ്രിയപ്പെട്ട മാഷെ,

      വളരെ നന്ദി. താങ്കളുടെ വാക്കുകള്‍ വളരെ വിലപെട്ടതാണ്. ഇനിയും വരണേ

      സ്നേഹത്തോടെ,

      ഗിരീഷ്‌

      Delete
  7. പണ്ട് ശാലീനത എന്ന ഒന്നിനെക്കുറിച്ച് കവികള്‍ വര്‍ണ്ണിക്കുമായിരുന്നു. ഇന്ന് ശാലീനതയുടെ നിര്‍വ്വചനം മാറ്റിയിരിക്കുന്നു. കാലം ഒഴുകുന്നത് മുന്നോട്ട്. തിരിച്ചുപോക്കില്ല. കവിത നന്നായി....

    ReplyDelete
    Replies
    1. പ്രിയപ്പെട്ട ചേട്ടാ ,

      കവിത ഇഷ്ടപെട്ടതില്‍ സന്തോഷം. താങ്കളുടെ വിലയേറിയ അഭിപ്രായത്തിന് വളരെ നന്ദി. ഇനിയും വരണേ.

      സ്നേഹത്തോടെ,

      ഗിരീഷ്‌

      Delete
  8. രസകരമായി എഴുതി.
    ആശംസകൾ.

    ReplyDelete
    Replies
    1. പ്രിയപ്പെട്ട മാഷേ,

      കവിത ഇഷ്ടമായതില്‍ സന്തോഷം. ഈ പ്രോത്സാഹനത്തിനു വളരെ നന്ദി. ഇനിയും വരണേ

      സ്നേഹത്തോടെ,

      ഗിരീഷ്‌

      Delete
  9. മുന്‍പത്തെ കവിതകളേക്കാള്‍ വായനാസുഖം തരുന്ന കവിത. എഴുത്തില്‍ ഒതുക്കം കൂടിയിരിക്കുന്നു. ഈണം എവിടെയും മുറിയുന്നില്ല . അക്ഷരതെറ്റുകള്‍ ഒരുപാടു കുറഞ്ഞിരിക്കുന്നു.
    എങ്കിലും ഈ അക്ഷരതെറ്റുകള്‍ തിരുത്തുമല്ലോ.

    ഗന്ദമൊടഴകായി-
    പാദസ്വരലയ
    മൃതു വാക്ക്

    'പാദസ്വരം ' എന്ന വാക്ക് മറ്റൊരു കവിതയിലും കണ്ടു എന്ന് തോന്നുന്നു. പാദസരമാണ് ശരിയായ വാക്ക്‌

    ആശംസകളോടെ
    ഗിരിജ

    ReplyDelete
    Replies
    1. പ്രിയപ്പെട്ട ടീച്ചറേ,

      ടീച്ചറുടെ വാക്കുകള്‍ എനിക്ക് വളരെ ആത്മവിശ്വാസം തരുന്നു. കവിത ഇഷ്ടമായതില്‍ സന്തോഷം. ഈ പ്രോത്സാഹനത്തിനു വളരെ നന്ദി. ഇനിയും വന്ന് തെറ്റുകള്‍ ചൂണ്ടിക്കാണിക്കണേ. ഞാന്‍ ഇനി വളരെ ശ്രദ്ധിക്കാം.

      സ്നേഹത്തോടെ,

      ഗിരീഷ്‌

      Delete
  10. ഗിരീഷ്‌
    കവിത നന്നായി .
    കളകളം വളകിലുക്കിയ ,മഞ്ഞക്കുറിഅണിഞ്ഞ, തുളസിക്കതിര്‍ ചൂടിയ
    പഴയ പ്രേമഭാജനം ഇന്നിപ്പോള്‍ കാലത്തിനിനങ്ങുന്ന കോലതംമയായി..

    ReplyDelete
    Replies
    1. പ്രിയ സുഹൃത്തെ,

      കവിത ഇഷ്ടപെട്ടതില്‍ വളരെ സന്തോഷം. വിലയേറിയ അഭിപ്രായത്തിനു വളരെ നന്ദി. വീണ്ടും വന്നു പ്രോത്സാഹിപ്പിക്കണേ.

      സ്നേഹത്തോടെ,
      ഗിരീഷ്‌

      Delete
  11. സൌന്ദര്യം പലകാലത്ത്‌ പലരൂപത്തില്‍ എല്ലാം നോക്കുന്നവന്റെ കണ്ണില്‍
    നല്ല ഒഴുക്കോടെ എഴുതി
    ആശംസകള്‍

    ReplyDelete
    Replies
    1. പ്രിയപ്പെട്ട സുഹൃത്തെ,

      ആത്മാര്‍ഥത നിറഞ്ഞ അഭിപ്രായത്തിനു വളരെ നന്ദി.

      വീണ്ടും കാണുമല്ലോ?

      സ്നേഹത്തോടെ,
      ഗിരീഷ്‌

      Delete
  12. ഗിരീഷ്ന്റെ കവിതക്കൊരു താളമുണ്ട്. സുഖമുള്ള വായന.
    കാലം മാറുമ്പോള്‍ കോലവും മാറട്ടെ ഗിരീഷ്‌..

    ReplyDelete
  13. പ്രിയപ്പെട്ട നീലിമ,

    ആത്മാര്‍ഥത നിറഞ്ഞ വാക്കുകള്‍ക്കു നന്ദി.

    എല്ലാം മാറട്ടെ മാറ്റങ്ങള്‍ ഒക്കെ നല്ലതിനാവട്ടെ. ഇനിയും കാണാം.

    സ്നേഹത്തോടെ,
    ഗിരീഷ്‌

    ReplyDelete
  14. Replies
    1. പ്രിയപ്പെട്ട അശ്വതി,

      നന്ദി. വളരെ സന്തോഷമായി ട്ടോ.

      സ്നേഹത്തോടെ,

      ഗിരീഷ്‌

      Delete
  15. കൊള്ളാം,
    Gopan Kumar ന്റെ അഭിപ്രായത്തോട് യോജിക്കുന്നു

    ReplyDelete
    Replies
    1. പ്രിയപ്പെട്ട സാജന്‍,

      ഇവിടെ വന്നതിന് വളരെ നന്നിയുണ്ട്.

      സ്നേഹത്തോടെ,
      ഗിരീഷ്‌

      Delete