ലളിതമായ കവിതകള്‍

കണ്ണുകളിലെ നനുത്ത പുഞ്ചിരികൾ ..
ആവേശത്തിരമാലകൾ
അസ്തമയ സൂര്യന്റെ
ശോണവർണ്ണത്തിൽ പൊതിഞ്ഞ
മന്ദഹാസം ..


വിറ്റഴിയാത്ത ബലൂണുകളും
പാറി പറക്കുന്ന പട്ടങ്ങളും
തൂക്കിപിടിച്ച്..
തളർന്ന കാലുകളൂന്നി..
വിഷാദമുറ്റുന്ന കണ്ണുകൾ 
ആകാശത്തിലേക്കൂന്നി..
ഇനി എന്ത്.. എന്ന ഉത്തരം തേടുന്ന
ഒരു പാവം ചെറുപ്പക്കാരൻ..


മറഞ്ഞു പോയ സൂര്യൻ..
അരിച്ചിറങ്ങുന്ന ഇരുട്ട്..
പിരിഞ്ഞു പോകുന്നവരുടെ
പതിഞ്ഞ കാലൊച്ചകൾ..


************